AQŞ: “Tınıç xalıq yalğış üterelgän”

Amerika Quşma Ştatları üzäk xärbi citäkçelege “DEAŞ” terror oyışmasına qarşı hawa xäräkäte başlanğannan birle bügengä çaqlı Ğiraqta häm Süriyädä tınıç xalıqtan yaqınça 200 keşeneñ yalğış üterelüen beldergän.

Amerikan üzäk xärbi citäkçelege belderüendä ütkärelgän tikşerenülär näticäsendä uzğan yıl axırında Ğiraqta häm Süriyädä “DEAŞ”nı maqsat itep alğan hawa höcümnärendä tınıç xalıqtan 11 keşeneñ yalğış üterelüeneñ bilgelänelüe äytelgän.

Bu san belän bergä hawa xäräkäteneñ başlanğıçınnan birle ike ildä yalğış üterelgän tınıç xalıq sanınıñ 200gä citüe assızıqlanğan.

Bäysez keşe xoquqların küzätü oyışmaları isä hawa höcümnärendä yözlärçä tınıç xalıqnıñ ülüen alğa sörä.

Amerika Quşma Ştatlarınıñ äydäp baruçanlığındağı koaliśiya 2014nçe yılnıñ avgust ayında Ğiraqta, ber aydan soñ da Süriyädä “DEAŞ”qa qarşı hawa höcümnärenä başlağan ide.