İran İslam inqilabı yıllığın qotlıy

İran İslam inqilabınıñ 38 yıllığın küp keşe qatnaşqan tantanalar belän qotlıy.

Başqala Tährandağı Azadi mäydanında yöz meñnärçä keşe cıyılğan.

Keşe törkeme äytkän “Amerikağa ülem” şiğarläre iğtibarnı cälep itkän.

Çarada qatnaşuçılar Amerika Quşma Ştatları däwlät başlığı Donal’d Tramp qurçaqların da kütärgän.

İran däwlät başlığı Xäsän Ruxani däwlät televideniyesınnan yasağan açıqlawda İnqilapnıñ 38 yıllığın qotlağan mitinglarnıñ Aq Yorttan kilgän İranğa qarşı süzlärgä “cawap” buluın beldergän.

Ruhani: “İranğa häm iranlılarğa xörmät kürsätergä öyränergä tiyeşlär. Suğış çığaruçı säyäsätlärgä qarşı kiläçäkbez,” – digän.

AQŞ däwlät başlığı Donal’d Tramp wazifağa kilgän 20nçe ğinwar könennän bügenä qadär İran mäs’äläsendä qırıs totış kürsätkän häm Tähran citäkçelegeneñ “ut belän uynawın” äytkän ide.

Dini lider Ayetullah Ali Hamaney çärşämbä könne yasağan açıqlawında Trampnıñ süzlärenä reakśiya kürsätep, İran xalqınıñ comğa könne zur mitinglar oyıştırıp, Aq Yortka cawap qaytaraçağın citkergän ide.