Peskov Putin häm Ärdoğannıñ oçraşuın rasladı

Kreml süzçese Dmitriy Peskov Rusiyä däwlät başlığı Vladimir Putin häm Törkiyä däwlät başlığı Räcäp Tayyip Ärdoğannıñ mart ayında planlaştırılğan oçraşuın rasladı.

Peskov, Putin häm Ärdoğannıñ Rusiyä-Törkiyä yuğarı däräcäle xezmättäşlek şurası oçraşuı qısasında mart ayının başında oçraşunıñ planlaştırılğanı belän bäyle xabärlärneñ döres bulıp bulmawı xaqındağı sorawğa:

 “Äyye, xäzerge waqıtta bu oçraşunıñ xäzerlekläre yasala” cäwabın birde.

Törkiyä däwlät başlığı Ärdoğannıñ Rusiyä-Törkiyä yuğarı däräcäle xezmättäşlek şurası oçraşuı qısasında Rusiyägä säfär qıluı häm Putin belän ike yaqlı oçraşularnıñ ütkäreläçäge kötelä.

Oçraşuda iñ başta Süriyä belän bergä başqa xalıqara häm regional mäsälälärneñ kön tärtibenä kiläçäge belderelä.

Rusiyä-Törkiyä yuğarı däräcäle xezmättäşlek şurası oçraşularınıñ soñğısı 2014nçe yılda dekabr ayında oyıştırılğan ide.