Ğadalät ministrlığı 2nçe dosyenı Greśiyağa cibärde

Ğadalät ministrlığı Fätullahçı terror oyışmasınıñ Parallel däwlät qorılışı (FETÖ/PDY)neñ 15nçe iyul tüntäreleş kereşüennän soñ Greśiyağa qaçqan tüntäreleşçelärneñ ikençe kire cibärelü taläbe dosyesın Greśiyağa cibärde.

Ministrlıq ayıruça 8 tüntäreleşçeneñ  qızıl byulleten’ belän êzläw belän bäyle İnterpolğa yazu yazdı.

İstanbul 12nçe Solıh cäza xakimlege tarafınnan da 8 tüntäreleşçe xaqında qulğa alınu qararı birelde.

Tışqı êşläre ministrı Mäwlüt Çavuşoğlu da tüntäreleş kereşüennän soñ Greśiyağa qaçqan tüntäreleşçelärneñ kire cibärelüenä reakśiya kürsätte.

Çavuşoğlu : “Greśiya belän arabızdağı ike yaqlşı Kire Qabul kileşüeneñ ğämäldän çığaruı belän bergä kiräkle adımnar yasıyaçaqbız”,dide

Törkiyä Greśiyadän tüntäreleşçelärneñ kire cibärelüen taläp itkän ide.

Tüntäreleşçelärneñ wazğiyätläre çirle mäxkämälär tarafınnan qaralğan, öç ğäskärineñ Törkiyägä kire qaytarıluwı qabul itelgän, biş ğäskärinen kire cibärelüe isä kire qağılğan ide.

Grek Yuğarı xökem itü mäxkämäläreneñ ğomum prokurorı Antonis Liogas kire cibärelü taläbe kire qağılğan tüntäreleşçelär belän bäyle Yuğarı mäxkämägä rizasızlıq möräcäğäten yasağan ide, mäxkämäneñ Törkiyägä kire cibärüe belän bäyle qarar birgän öç tüntäreleşçe dä yuğarı mäxkämägä şikäyät möräcäğäten yasağan.

Greśiya yuğarı mäxkämäse (Arios Pagos) isä 26nçe ğinwar könendä FETÖ/PDYneñ tüntäreleş kereşüennän soñ Greśiyağa qaçqan 8 tüntäreleşçeneñ Törkiyägä kire cibärelmäw qararın birgän ide.