Angliya adımnarın tizlӓtkӓn

Mӓs’ӓlӓ belӓn bӓyle proŝeduranı çınğa aşıru wӓqalӓteneň xökümӓtkӓ birelüen küzdӓ totuçı Brexit qanun ölgese Angliya Parlamentında.

Angliyaneň Awrupa Berlegennӓn kitü barışı Lissabon kileşüeneň 50nçe maddӓseneň ğamӓlgӓ kerüe belӓn başlanaçaq.

Bu maddӓne ğamӓlgӓ kertü wӓqalӓteneň xökümӓtkӓ birelüen küzdӓ totuçı qanun ölgese parlamentka tӓqdim itelgӓn.

İngliz xökümӓte wӓqalӓtneň üzenӓ birelüen küzdӓ totuçı 2 maddӓlek ber qanun ölgese ӓzerlӓgӓn.

Ölge sişӓmbe könne Parlamentta qaralaçaq.

Qanun uzğan oçraqta Angliya premyer-ministrı Tereza M’êy berlektӓn kitü öçen kirӓkle proŝeduranı başlata alaçaq.

Barışnıň rӓsmi rӓweştӓ başlanuınnan 2 yıldan soň Angliya Awrupa Berlegennӓn kitkӓn bulaçaq.

Angliya, Şotlandiya, Yêl’s hӓm Tön’yaq İrlandiyadan toruçı Berlӓşkӓn Patşalıkta uzğan yılnı ütkӓrelgӓn referendumda xalıqnıň 52%ı Brexit yaqlı tawış birgӓn ide.