Tramp wägdälären çınğa aşıra

Amerika Quşma Ştatları däwlät başlığı Donal’d Tramp saylaw kampaniyasendäge wägdälären çınğa aşıra.

Yaña ilbaşı Meksika çigenä diwar süzen dä cirenä citkerä.

Aq Yort Trampnıñ Meksika çigenä diwarnıñ tözelüen küzdä totuçı ämerne imzalawın açıqlağan.

Açıqlawda monıñ ilgä qanunsız kerülärne buldırmaw öçen yasalaçaq adımnarnıñ berse buluı iğtibarnı cälep itkän.

Aq Yort süzçese Sean Spicer diwarnıñ AQŞta cinayät häm qanunsız qaçaqlar ağımın azaytaçağın citkergän.

İmzanıñ Meksika tışqı êşlär ministrı Luis Vedegaraynıñ Vaşington säfäre aldınnan quyıluı iğtibarnı cälep itkän.

Meksika däwlät başlığı Pena Nieto isä Tramp belän 31nçe ğinwar könne küreşep söyläşäçäk.

Nieto sişämbe könne yasağan açıqlawında yaña Amerikan citäkçelege belän mönäsäbätläreneñ ağışına qarağan işarätlär yasağan ide.

Meksika liderı iqtisadnıñ AQŞqa bäylelegen azaytırğa teläwlären häm Braziliya belän Argentina kebek Latin Amerika illäre belän möbäsäbätlärneñ qabat tözekländereläçägen citkergän ide.

Şul arada Trampnıñ imzalayaçaq ber qararnamä belän “Süriyädä xalıqnın saqlanıluı öçen imin töbäklärneñ barlıqqa kiterelüe boyırığın biräçäge äytelgän.

Amerikan mediasında urın alğan häm açıq çığanaqlarda kürelä alınuçı imzasız ber qararnamä ölgesendä “Süriyädä imin töbäklärneñ abrlıqqa kiterelüe” maddäse urın alğan.