İran Süriyä söyläşülärendä AQŞnıň qatnaşuın telämi

  İran 23 nçe ğinwarda Qazaqstan başqalası Astanada uzaçaq Süriyä söyläşülärendä Amerika Quşma Ştatlarınıň qatnaşuın telämi.

Tähran citäkçelege Rusiyäneň AQŞnı Astanağa çaqıruına qarşı buluın citkergän.

İran tışqı êşlär ministrı Cävad Zarif Waşington citäkçelegen söyläşü östäle artında kürergä telämäwlären äytkän.  

Zarif:”Bez alarnı çaqırmadıq”,-digän.  

Törkiyä häm Rusiya äydäp baruçanlığında Astanada ütkäreläçäk söyläşülär Süriyädä 30 nçı dekabr’dä öleşçä utnı tuqtatu iğlan itelgännän soň tınıçlıq urnaştıru yulında yasalaçaq ikençe adım bularaq bäyälänä.

Söyläşülärdä Äsäd köçläre belän oppoziŝionerlar arasında kileşü täêmin itü maqsat itep quyıla.

Rusiya Federaŝiyäse tışqı êşlär ministrı Sergey Lavrov kiçä yasağan belderüendä Amerika Quşma Ştatların da Astanağa çaqıruların häm Tramp citäkçelege belän berençe söyläşüne biredä tormışqa aşıra alaçaqların citkergän ide.

Törkiyä tışqı êşlär ministrı Mävlüt Çavuşoğlu AQŞnıň Astana söyläşülärendä qatnaşuı mäs’älasendä Rusiya belän urtaq fikerdä buluların belderde.