Yasalma rizıqlar yasawçı êşxanälär
Qıtayda 50 êşxanägä tikşerü açılğan
![Yasalma rizıqlar yasawçı êşxanälär](http://cdn.trt.net.tr/images/xlarge/rectangle/4f09/b317/9c55/583d26f78d2cd.jpg?time=1718851172)
Qıtaynıñ T’yencin şähärendä kim digändä 50 êşxanägä tanılğan markalar azıq-tölekläreneñ yasalmasın êşläp çığaruları nigeznamäse belän tikşerü açılğan.
Qıtaydağı “Global Tayms” gazetı beldergänçä T’yencin şähär xaqimiyäte açqan tikşerüdä êşxanälärneñ cirle häm çit il şirkätläre souslarınıñ yasalmasın yasawı, şul räweşle 1 milliard yüen, yägni yaqınça 145 million dollar kerem täêmin itüe raslanğan.
Tikşerüdä kim digändä 50 êşxanäneñ T’yencinneñ Duliu qasabasında soya sousı häm sirkä dä bulğan 11 törle yasalma azıq-tölek matdäse êşläp çığaruı öyränelgän.
Yasalma rizıqlarda yaman şeşne kiterep çığaruçı industrial’ toznıñ qullanıluı bigelängän.
Bu êşlänmälärgä ayıruça başqa êşxanälär êşläp çığarğan azıq-tölek qaldıqlarınıñ häm yasalma tämlätkeçlärneñ quşıluı açıqlanğan.
Xäbärdä azıq-töleklärne tanılğan markalar isemennän satuçı êşxanälärneñ bu markalarnıñ paket, yazu, kod kebek törü materialı mäğlümatlarınıñ oxşaşın yasawı öyränelgän.
Qıtaydağı Azıq-tölek häm daru tikşerü idaräse mäs’älä belän bäyle tikşerüneñ däwam itüen, näticälärneñ cämäğatçelekkä citkereläçägen açıqlağan.
İldä 2008nçe yılda bäbi aşamlıqlarına qatnaştırıluı raslanğan melamin 4 bäbineñ yaqtı dönyadan kitüenä, 50 meñnän artıq bäbineñ awıruına säbäpçe bulğan ide.