Sarı bizgäk cäyelä
Kizüdän ülüçelärneñ sanı 47gä citkän
Kön’yaq Amerika ile bulğan Braziliyaneñ Minas Gerais vilayätendä soñğı ike atnada sarı bizgäk arqasında ülüçelärneñ sanı 47gä citkän.
Sarı bizgäk oçraqlarınıñ artuınnan soñ ildä 180 könlek aşığıç xäl iğlan itelgän.
Xäzergä qadär xastalıqnı yoqtırğan 152 keşene däwalaw êşçänlekläre tığız räweştä däwam itä.
Kizü belän köräş qısalarında sälamätlek saqlaw üzäkläre häm xastaxanälärgä daru häm vakśinalar östämä bularaq cibärelgän.
Virusnıñ çerkilärdän yoğuı arqasında sazlıqlarnıñ qorıtıluı öçen êşçänlek başlatılğan.
Braziliyaneñ Sälamätlek saqlaw ministrlığı xastalıqnıñ cäyelü riskınıñ buluına iğtibar cälep itep, uzğan atanda 150dän şähärdä aşığıç xäl iğlan itkän ide.
Baş häm tändä awırtu, küñel bolğanu, temperatura, teträw häm xälsezlek belän barlıqqa kilüçe sarı bizgäk kizüennän qısqa waqıtta däwalanmasañ, xastalıq ber atna êçendä ülemgä iltä ala.
Çerkilärdän keşelärgä yoğuçı bu kizü virusnı taşuçı maymıllarda kürelä.
