Awrupa şokta
Trampnıñ açıqlawları Awrupa liderların ğacäpkä qaldırğan
Amerika Quşma Ştatları däwlät başlığı wazifasın qabul itep alırğa berniçä kön qala Donal’d Trampnıñ jurnalistlarğa tışqı säyäsät mäs’äläsendä yasağan açıqlawları Awrupanıñ kön tärtibenä bomba täêsire yasağan.
Trampnıñ NATOnıñ ber êşkä dä yaramawı, Awrupa Berlegennän Angliyadan tış tağın kitülärneñ bulacağına qarağan süzläre Awrupa başqalaların ğacäpkä qaldırğan.
Germaniya Kanślerı Angela Merkel’ Awrupa yazmışınıñ Awrupa qulında buluın assızıqlağan.
Germaniya tışqı êşlär ministrı Frank Valter Ştanmayer NATOğa äğza illär belän Awrupa Berlege illäre tışqı êşlär ministrları belän söyläşüen, barısınıñ da borçulı buluın äytkän.
Ştanmayer Trampnıñ NATO illäreneñ kübräk matdi yärdäm kürsätüe zarurlığı belän bäyle süzlärenä şaqqatuın citkergän.
Franśiya däwlät başlığı Fransua Oland Trampnıñ alman “Bild” häm ingliz “The Tayms of London” gazetlarına birgän inter’vyularında Awrupa Berlegen tänqitläwenä reakśiya beldergän.
Oland: “Awrupa härwaqıt transatlantik xezmättäşlekne däwam itterergä teli, läkin monı üz qimmätläre häm mänfäğatläre belän çınğa aşıraçaq. Qayçan başqaraçağı mäs’äläsendä çittän kiñäş alırğa ixtıyacı yuq,” – digän.
Amerikan “Vaşington Post” gazetı “Trampnıñ çığışınnan Awrupa liderları şokta” isemle mäqalä başlığın qullanğan.
Belgeçlär Awrupa başqalalarında başlarnıñ butaluın, qapma-qarşı açıqlawlarğa bäyä birgän liderlarnıñ Donal’d Trampnıñ nindi tışqı säyäsät alıp baraçağın añlarğa tırışuın belderä.
