Franśiyada köçle dawıl

İlneñ tön’yaq töbägendä küzätelgän köçle dawılda 46 keşe yaralanğan.

Dawıl arqasında aşığıç yärdäm kürsätü liniyasenä 4 meñ 452 tapqır şaltıratqannar, meñ keşe dä öylärennän buşatılğan.

Qaywaqıt tizlege säğatenä 146 çaqrımğa citkän köçle cil arqasında qayber poyezd säfärläre tuqtatılğan.

Tön’yaqta urnaşqan Amiens häm Arras şähärläre arasındağı timer yulı transportı dawıl arqasında ber ağaçnıñ rel’slarğa kilep töşüe näticäsendä tuqtap qalğan. 200 yulçı tönne poyezdda uzdırırğa mäcbür qalğan.

Köçle dawıl arqasında çärşämbe könne salınğan qızıl töstäge sörän däräcäseneñ pänceşämbe könne töşerelüe, läkin dawılnıñ däwam itä alacağı iskärtelgän.