Qaçaqlar awır xäldä

Könbatış Awrupa illӓrenӓ baru ömete belӓn yulğa çıqqan meňnӓrçӓ qaçaq awır qış şartlarında Urta hӓm Könçığış Awrupa illӓrendӓ qalğan.

Qar hӓm salqınnar arqasında meňnӓrçӓ keşe şӓhӓrçeklӓrdӓ kön kürӓ.

Salqınnar küzӓtelgӓn Greŝiya hӓm Serbiyadağı şӓhӓrçeklӓrdӓ daru, azıq-tölek, cılı kiyem hӓm yurğanğa ixtıyac bar.

Cılınu hӓm azıq-tölek probleması bulğan şӓhӓrçeklӓrdӓ qaçaqlar tuňu hӓm epidemiya qurqınıçı belӓn oçraşqan.

Greŝiyaneň Midilli utrawında 6 meň qaçaq bar.

Karatӓpӓ şӓhӓrçegendӓ meň keşe öçen konteyner quyılğan. Qaçaqlarnıň zur öleşe cӓyge çatırlarda kön kürӓ.

Moria şӓhӓrçegendӓge qaçaqlar öçen dӓ şartlar bik awır.

Tudırılğan mömkinleklӓr citӓrsez. Azıq-tölek hӓm yurğan ixtıyacı bar.

Qaçaqlar cılınu öçen cıyğan ağaç kisӓklӓre hӓm kӓğazlӓrne yağa.