Tramp: “BMO – küñel açu urını”

Amerika Quşma Ştatlarında 8nçe noyabr’ könne uzğan ilbaşı saylawında ciñü yawlağan Donal’d Tramp Twitter xisabınnan yasağan açıqlawda Berläşkän Millätlär Oyışmasın tänqitlägän.

“Berläşkän Millätlär Oyışması zur potenśialğa iyä buluına qaramastan xäzerge waqıtta barı tik keşelär cıyılıp, küñel açqan urın, bu borçuğa sala,” – digän Trampnıñ bu açıqlawın BMO İminlek şurasında İzrail yawlawı astında bulğan Fälästin cirlärendäge qanunsız toraq punktlarnı tözüne beterüne taläp itüçe qararnın qabul itüennän soñ yasawı iğtibarnı cälep itkän.

Donal’d Tramp monnan alda da BMO İminlek şurasındağı İzrail qararın veto itergä çaqırğan, AQŞnıñ bitaraf qaluı belän qarar qabul itelgännän soñ yasağan açıqlawda isä: “BMOğa kilgändä 20nçe ğinwardan soñ êşlär üzgäräçäk,” – digän ide.