Rusiyädä matäm

Rusiyä Federaśiyase Saqlanu ministrlığına bäyle, 92 keşe utırğan Tu-154 törendäge oçqıç yäkşämbe könne Soçi şähärennän kütärelep kitkännän soñ Qara diñgezgä kilep töşkän.

Saqlanu ministrlığı oçqıçtağı yulçı häm êkipaj törkemennän isän qaluçılarnıñ bulmawın açıqlağan.

Rusiyädä düşämbe könne milli matäm iğlan itelgän.

Törkiyä ilbaşı Räcäp Tayyip Ärdoğan da telefonnan söyläşkändä Rusiyä däwlät başlığı Vladimir Putinğa oçqıç qazası arqasında qayğıları belän urtaqlaştı.

Oçqıçtağı yulçılar arasında ğaskärilär, jurnalistlar, ber xalıqara yärdäm oyışması xezmätkärläre belän ber rättän bar dönyağa tanılğan Qızıl armiya xorına äğza bulğan 64 sänğatçe ta bar ide.

Sänğatçelärneñ Süriyäneñ Lazkiye şähärendä urın alğan Rusiyä bazası Hmeymimdä yaña yıl konśertın quyaçaqları açıqlağan.

Oçqıç kütärelep kitkännän 20 minuttan soñ radardan yuğalğan.

Êzläw êşçänlekläre näticäsendä su kiñlegendä oçqıç kisäkläre tabılğan, töbäkkä kitkän törkemnär yaqtı dönyadan kitüçelärneñ qayberläreneñ mäyeten tapqan.

Qazadan soñ Törkiyä premyer-ministrı Binali Yıldırım Rusiyä xärbi oçqıçınıñ kilep töşkäne öçen Rusiyä premyerı Dmitriy Medvedevqa xökümätneñ qayğı belän urtaqlaşuı häm yärdämläşü yullamasın yasadı.

Milli saqlanu ministrı Fikri Işık ta Rusiyäneñ Saqlanu ministrı Sergey Şoyguğa qayğı belän urtaqlaşu yullamasında tübändägeçä citkerde: “Soçidan qütärelgän Rusiyä Federaśiyase Saqlanu ministrlığına bäyle TU-154 törendäge xärbi yök oçqıçınıñ Qara diñgezgä kilep töşüen häm oçqıçtağı êkipaj törkeme belän yulçılarnıñ yaqtı dönyadan kitüen borçu belän öyrändem. Ğomere özelüçelärneñ ğailäläre häm barlıs rus xalqınıñ qayğısı belän urtaqlaşam.”

Törkiyäneñ tışqı êşlär ministrlığı süzçese Xösäyen Müftüoğlu da Qara diñgezgä kilep töşkän oçqıç arqasında Rusiyäneñ qayğısı belän urtaqlaştı.