Yänä mäçetkä ut törtelgän

Bilgesez höcümçelär tarafınnan şimbä könne irtä belän ut törtelgän cämiğ zur zıyan kürgän.

Pikardi töbäktäge cämiğlar berlege açıqlağan beldergedä höcüm ğayeplängän.

Beldergedä tübändäge yullar urın ala: “İlebezneñ härwaqıttağıdan da kübräk aqıllı fiker yörtü häm berdämlekkä ixtıyacı bulğan çorda mondıy höcüm xäbäre bezne ğacäpkä qaldırdı. Cämiğka yörüçelär häm töbäktä yäşäwçe möselmannar belän yärdämläşü êçendä buluıbıznı äytergä telibez.”

Franśiyadäge İslamofobiya belän köräş üzägenä kürä ildä yäşäwçe möselmannarğa qarata höcümnär soñğı yıllarda arta bara.

İldä kübese Tönyaq Afrikadan bulğan 5 million tiräse möselman yäşi. Awrupada möselmannar iñ küp yäşägän illär arasında Franśiya berençe urında.