Abbas İzrail wäkillegen qabul itkän
Fälästin däwlät başlığı Ramallahta İzrail wäkillegen qabul itkän
![Abbas İzrail wäkillegen qabul itkän](http://cdn.trt.net.tr/images/xlarge/rectangle/0800/63ca/892b/57ea2eef75256.jpg?time=1718767353)
Fälästinneñ räsmi xäbär agentlığı VAFAnıñ xäbärenä kürä Abbas İlbaşı sarayında İzrailneñ êlekke ministrları belän İzrail Parlamentı Knesset äğzalären qabul itkän.
Abbas söyläşüdä soñğı täraqqıyätlär häm Franśiya oyıştırğan Parijdağı xalıqara cıyılış mäs’äläsendä kürsätelgän tırışlıqlar xaqında mäğlümat belän urtaqlaşqan.
Mäxmüt Abbas cıyılış mäs’äläsendäge xalıqara xuplawnıñ häm İzrail cämğiyätendä tınıçlıqnı xuplawçılarnıñ ähämiyätenä iğtibarnı cälep itkän.
Abbas İzrail xökümäteneñ yähüd toraq punkları belän bäyle säyäsätläre näticäsendä qurqınıç astına kergän “ike däwlätle çişeleş” nigezenä tayanğan tınıçlıqnı xuplawnıñ nığıtıluı öçen İzrail cämğiyäteneñ törle töbäkläre belän êlemtäneñ özelmäwe zarurlığına basım yasağan.
İzrail wäkillege dä tınıçlıqnı xuplaw häm “ike däwlätle çişeleş” nigezenä tayanğan tınıçlıq ömeteneñ qabat canlandırıluı öçen tırışlıq quyunıñ ähämiyatenä işarät itkän.