Xälebta ut tuqtatıldı

Süriyäneñ atnalar buyı tığız bombalawı astındağı Xäleb (Haläp) qalasında Törkiyäneñ aradaşçılığı belän utnı tuqtatu kileşüe täêmin itelde.

Törkiyä Tışqı eşlär ministrlığı şähärneñ könçığışındağı oppoziśiyäçel köçlär belän Rusiyäneñ äydäp baruçanlığındağı rejim köçläre arasında utnı tuqtatunıñ täêmin itelüen belderde.

Ministrlıq belderüendä utnı tuqtatunıñ täêmin itelüe qädär monnan soñğı xalıqnı küçertü êşlärendä dä Änkara citäkçelegeneñ rolenä basım yasadı.

Törkiyä bik sizger bulğan barışnı yaqınnan küzätep baraçaq.

Utnı tuqtatu kileşüe belän berençe çiratta qamaw astındağı tınıç xalıqnıñ imin räweştä küçertelüe küzdä totıla.

Bu keşelär Xälebneñ könbatışında “İrekle Süriyä ğaskäre” kontrolendäge töbäklärgä urnaştırılaçaq.

Şuşı maqsattan çığıp töbäkkä tınıç xalıqnı alıp baraçaq avtobuslar cibärelde.

Taraflar arasındağı kileşü ikençe êtapta şähär üzägeneñ könçığışındağı qorallı oppoziśionerlarnıñ da imin räweştä küçerelüen küz aldında tota. Oppoziśiyäçel törkemnärneñ zur öleşeneñ dä şähärdän kitüne qabul itüe xäbär itelde.

Berläşkän Millätlär Oyışmasınıñ utnı tuqtatu kileşüe belän bäyle berençe belderüe “Törkiyä häm Rusiyäneñ tırışuların yaqlıybız” räweşendä buldı.

Şul arada Tışqı êşlär ministrı Mäwlüt Çavuşoğlu, Rusiyä xezmättäşe Sergey Lavrov belän telefon aşa söyläşep, kilep citelgän soñğı wazğiyätne bäyäläde.