"İzrail ut belän uynıy"

Amerika Quşma Ştatları däwlät särqätibe Djon Kerri İzrailneñ Fälästin cirlärendä yaña toraq punktların tözüne däwam itterüeneñ ike il arasında tınıçlıqnıñ urnaştırıluına kirtä buluın äytep, İzrailneñ ut belän uynawın beldergän.

Kerri başqala Vaşingtonda Brukings İnstitutı Saban forumınıñ yıllıq konferenśiyasendä yasağan çığışında Fälästin-İzrail mäs’äläsenä bäyä birgän.

İzrail premyer-ministrı Binyamin Netanyaxunıñ Saban forumında yasağan çığışındağı toraq punkt tözü säyäsäteneñ tınıçlıq söyläşülärenä kirtä bulmawı turındağı süzlärenä reaksiya beldergän Kerri tübändägeçä citkergän: “Netanyahuğa bu mäs’älädä quşılmıym. Üz-üzebezne aldamiq. Täêsireneñ bulmawın äytä almassıñ.”

İzrail - Fälästin problemasınıñ ike ilne genä qızıqsındırmawına iğtibar cälep itkän Kerri İzrail-Ğaräp illäre arasındağı mönäsäbätlärneñ dä monnan täêsirlänüen beldergän.

Djon Kerri: “İzrail Fälästin belän mönäsäbätlärne cayğa salmıyça ğaräp dönyası belän İzrail arasında başqa tınıçlıq kileşüe bulmayaçaq,” – digän.

Kerri İzrailneñ ike däwlätle çişeleş êzlänüe häm toraq punkt tözü sayasäten ber ük waqıtta däwam itterä almayacağın äytep, ikesennäñ bersen saylawı zarurlığına basım yasağan.