İzraildä yanğınnar däwam itä

İzraildӓ sişӓmbe könne Qudüs-Yerusalim belӓn 13 urında başlanğan yanğınnar dӓwam itӓ.

Köçle cil hӓm ike ay buyı dӓwam itüçe qorı hawanıň yanğın sünderü êşçӓnleklӓrenӓ tiskӓre tӓêsir itüe belderelӓ.

İzrail poliŝiyase süzçese Miki Rosenfeld pӓnceşӓmbe tönendӓ Qudüs-Yerusalin yanındağı Bӓyt Mӓyr töbӓgendӓ artqan yanğınnıň zur külӓmdӓ sünderelüen ӓytkӓn.

Distӓlӓrçӓ öy yanıp, zarar kürgӓn töbӓktӓ yӓşӓwçe xalıqnıň êvakuaŝiyalӓnüen beldergӓn Rosenfeld un meňnӓrçӓ keşe yanğın arqasında çığarılğan Hayfa şӓhӓrendӓ isӓ yanğınnarnıň comğa könne azayuın açıqlağan.

İzrailneň Qızıl Davut yoldızı oyışmasınnan yasalğan yazulı açıqlawda isӓ yanğın arqasında Hayfada 70 keşeneň ciňelçӓ yaralanuı citkerelgӓn.

İzrail dӓwlӓt radiosı beldergӓnçӓ premyer-ministr Binyamin Ntenyaxu yanğınnı belӓ torıp çığarğan keşelӓrneň watandaşlıqtan çığarıla alınacağın ӓytkӓn.

Fӓlӓstinneň Grajdan saqlanu idarӓse İzrail citӓkçelegeneň ildӓ çıqqan yanğınnarnıň sünderelüe öçen yasağan yӓrdӓm talӓbenӓ uňay cawap birüen citkergӓn.

İzrail mediasında urın alğan xӓbӓrlӓrgӓ kürӓ Fӓlӓstinle yanğın sünderü törkemnӓre Hayfağa ireşep, êşçӓnleklӓrgӓ yӓrdӓm kürsӓtӓ başlağan.

Törkiyӓ, Greŝiya, Xorvatiya, İtaliya hӓm Rusiyӓ dӓ yanğın sünderü êşçӓnleklӓrendӓ bulışu öçen yanğın sünderü oçqıçı cibӓrülӓren açıqlağan ide.

Netanyaxu pӓnceşӓmbe könne yazulı açıqlaw yasap, Törkiyӓgӓ rӓxmӓten beldergӓn ide.