Süriyäneñ İdlib qalasında mäktäpne bombalağannar
Waqiğada 22 uquçı bala häm 6 uqıtuçı hälaq bulğan
598077
Süriyäneñ İdlib qalasında ber mäktäp bombalanğan.
Waqiğada 22 balanıñ ğomere özelgän.
Berläşkän Millätlär Oyışmasınıñ balalarğa yärdäm itü fondı YUNİSEF İdlib qalasındağı ber mäktäpkä ber-ber artlı höcümnär yasalu säbäple 22 uquçı bala häm 6 uqıtuçınıñ hälaq buluın beldergän.
YUNİSEF İdlib höcümeneñ ildä 5 yıldan kübräk däwam itkän watandaşlar suğışında mäktäpne maqsat itep alğan qanlı höcüm buluına basım yasağan.
Oyışmanıñ bu xaqtağı belderüendä:” Älege höcüm tragediya. Bu höcüm ägär maxsus yasalğan ikän xärbi cinayät”digän yullar urın alğan.
Höcümne İdlibta hawa operaśiyäläre oyıştıruçı Äsäd rejimı yäisä Rusiyäneñ tormışqa aşıruı däğwa itelä.