AQŞta waqıtınnan alda tawış birü

Amerika Quşma Ştatlarınıñ şaqtıy ştatında 8nçe noyabr’ könne uzaçaq ilbaşı saylawı öçen waqıtınnan alda tawış birü başlanğan.

Törle könnärdä ütkärelä başlağan waqıtınnan alda tawış birüdä yaqınça 46 million saylawçınıñ tawış birü xoquqın qullanuı kötelä.

Waqıtınnan alda tawış birelä başlağan ştatlardan İllinois, Teksas häm Kanzasta saylawda qatnaşu külämeneñ yuğarı buluı küzätelgän.

Ärcä başına kilä başlağan amerikannar ozın çiratlar barlıqqa kitergän.

Belgeçlär bu wazğiyätneñ Cömhüriyätçe partiya namzäte Donald Tramp öçen qıyınlıq tudıraçağın uylıy.

Çönki saylawdağı tübän qatnaşu külämeneñ Cömhüriyätçe partiyağa fayda täêmin itäçäge uylanıla.

İlneñ şaqtıy ştatında isä saylawçılar poçta aşa da tawış birä ala.

İkençe yaqtan Donald Tramp küp kenä şähärdä saylawda xärämläşüneñ yasaluın däğwa itkän.

Tramp 10 yıl êlek ülgän keşelärneñ häm qanunsız yäşäwçe qaçaqlarnıñ tawış birü xoquqın qullanuın äytä.

Räsmi zatlar bu däğwalarnı “cawapsız” itep taswirlap, tawış birü cihazlarınıñ internetka bäyle bulmawın häm berniçek tä qatışıp bulmawın beldergän.