Süriyädä balalar draması

Berläşkän Millätlär Oyışmasınıñ Balalarğa yärdäm fondı YUNİSEF Süriyädäge balalarnıñ wazğiyäte belän bäyle ğacäpkä qaldıruçı sannar urtaqlaşqan.

“Soñğı 2 atnada 9 bala mäktäplär häm tirä-yaqlarında oyıştırılğan höcümnärdä yaqtı dönyadan kitkän.”

Drama monıñ belän dä betmi.

BMOnıñ Jeneva ofisında oyıştırılğan matbuğat oçraşuında çığış yasağan YUNİSEF süzçese Kristof Bulirak: “Süriyädä 1 million 700 meñ bala haman da mäktäptä belem ala almıy häm moña östämä bularaq 1 million 300 meñ balağa da mäktäpne taşlaw riskı yanıy,” – digän.

Bulirak ildä bäreleşlär başlanğan 2011nçe yıldan birle mäktäplärgä 4 meñ höcümneñ oyıştırıluın da citkergän.