Rusiyä radikal’ partiyälärgä yärdäm itä
Rusiyäneñ Awrupadağı radikal’ partiyälärgä finans yärdäm kürsätüe alğa sörelgän
Awrupa Berlege liderları Rusiyäneñ qayber illärdäge radikal’ partiyälärgä finans yärdämen täêmin itüen raslağan.
Mäs’älä Bel’giya başqalası Bryussel’dä atnakiçen liderlar däräcäsendä ütkärelüçe sammitta quzğatıla.
İspaniyanıñ “Äl Pais” gazetı xäbär itüençä, üzäge Budapeştta urnaşqan “Politikal Kapital Institute” kebek şaqtıy Awrupalı analiz oyışması Mäskäw citäkçelegeneñ Awrupa Berlegendäge törle radikal’ partiyälärgä finans yärdäm kürsätüen bilgelägän.
Bolar arasında Franśiyadağı “Milli front”, Macarstan-Vengriyadağı “Yobbik” häm Greśiyadağı “Altın şäfäq” alğı planğa çığa.
Xäbärgä kürä, Çexiya, Slovakiya häm Baltiq (Baltıyq) illärendä dä Rusiyä yärdämen alğan mondıy partiyalar bar.
Awrupa Berlege liderları säyäsi partiyalarğa finans yärdäm kürsätüen alğa sörgän Rusiyägä qarşı qullanılğan çikläwlärneñ, sankśiyälärneñ awırlaştırıluın teli.
