Venesuêlada bizgäk kürelgän

İspaniyale xäbär agentlığı EFEnıñ xäbärenä kürä Venesuêla Mediśina Federaśiyase başlığı Duglas Leon Natera oyıştırğan matbuğat oçraşuında bizgäk oçraqlarınıñ 80%ınnan kübrägeneñ ilneñ könyağındağı Bolivar vilayätendä kürelüen äytkän.

İldä 50 yıl êlek yuqqa çığarılğan xastalıqnıñ Bolivarda qurqıtuçı ülçämdä barlıqqa kilüen citkergän Natera däwlät başlığı Nikolas Maduronı wazğiyätkä aşığıç räweştä qatışırğa çaqırğan.

Venesuêla matbuğatı da qayber töbäklärdä ildä soñğı 25 yıl buyı kürelmägän difteriya xastalığınıñ küzätelüen yazğan.

İqtisadi krizis bulğan häm xökümätkä qarşı cıyınnar oyıştırılğan Venesuêlada xalıq säğatlär buyı ut betülär, daru häm töp azıq-tölek citeşsezlege arqasında awır könnär kiçerä.