Rusiyä Süriyägä daimi urnaşaçaq

Rusiyä däwlät başlığı Vladimir Putin ileneñ  Süriyädäge Himeymim bazasını daimi räweştä qullanuın küzdä totqan kileşüne raslap ğämälgä kertte.

İke il xökümätläre arasında 2015nçe yılnıñ 26nçı avgust könendä imzalanğan kileşü Rusiyä oçqıçı häm ğäskärilärneñ bazağa daimi bularaq urnaşuın üz êçenä ala.

Kileşügä kürä Rusiyä bazanıñ qulanuı öçen Süriyägä ber nindi tüläw yasamayaçaq.

Bazağa urnaştırılaçaq oçqıç personal häm cixazlar Rusiyä tarafınnan bilgelänäçäk.

Himeymim bazasına alıp kitereläçäk äyberlär salım häm tamğaxanä kontrolennän uzmıyaçaq.

Monda xezmät itkän Rusiyä personalı häm ğailäläre diplomatlarğa xas östenlek häm qağılğısızlıqları bulaçaq.

Süriyä êşçänlekläreneñ tışında Rüsiyägä häm xezmätkärlärgä ber nindi däğwa açılmayaçaq.

Rusiyä saqlanu ministr urınbasarı Nikolay Pankov da 10nçı oktyabr könendä yasağan açıqlawda ilenen Süriyäneñ Tartus şähärendä cixazlandırılğan qaluçı bazasın qoraçağın söylägän ide.