İzrailneñ êlekke İlbaşı Şimon Peres wafat bulğan

Peres 13nçe sentyabr’dä kiçergän paraliçtan soñ däwalanğan xastaxanädä canın täslim qılğan.

İzrail Ministrlar Kabinetı matbuğat ofisınıñ räsmi internet säxifäsendä urnaşqan belderüdä dä fani dönyadan kitep barğan Peres öçen qayğı belän urtaqlaşılğan.

Belderüdä: "Matbuğat ofisı êlekke Premyer-ministr häm İlbaşı Peresneñ matämen tota. Peres İzrail öçen däwlät tözelüennän äwwälgesennän başlap xäzergä çaqlı möhim şäxes ide”, - dip äytelgän.

Belorusta 1923nçe yılda bay säwdägärneñ ulı bularaq dönyağa kilgän Şimon Peres 1934nçe yılda Britan mandatı citäkçelege astında bulğan Fälästingä küçä.

İzrail parlamentı Knessetta 48 yıl buyı xalıq ışanıçlısı bulğan Peres 3 tapqır premyer-ministr wazıyfasın üz östenä ala, 2007nçe- 2014nçe yıllar aralığında da Däwlät başlığı wazıyfasın başqara.

Peres ilbaşı wazıyfasın 2014nçe yılnıñ iyül’ ayında Reuven Rivlingä tapşırğan ide.

Şimon Peres 1994nçe yılda Fälästinneñ legendar liderı Yaser Arafat häm İzrail Premyer-ministrı İzak Rabin belän bergä Fälästin belän tınıçlıq kileşü kereşüendä Tışqı êşlär ministrı bularaq qatnaşuı uñayınnan Nobel tınıçlıq bülägenä layıq bulğan ide.