AQŞta tüntäreleş kereşüe añlatılğan

Amerika Quşma Ştatlarınıñ aldınğı gazetlarınnan “The New York Times”ta urın alğan ber iğlanda Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüe añlatılğan.

Törek-amerikan êşmäkärlär cämğiyäte tarafınnnan birelgän iğlan “Törkiyäneñ köçle demokratiyasenä häm üsüçe iqtisadına investiśiya kertegez” dip atala.

İğlanda 15nçe iyul’ töne Törkiyä demokratiyaseneñ höcümgä duçaq qaluı, xalıq iradäseneñ üz xalqına xıyanät itüçelär tarafınnan üz qulı astına alırğa tırışıluı añlatılğan.

Gazet iğlanında qanlı tüntäreleş kereşüeneñ FETÖ tarafınnan oyıştırıluı citkerelgän.

Tüntäreleş kereşüennäñ soñ Törkiyä iqtisadınıñ êlekkedän tağın da totrıqlı häm köçle buluı belderelgän iğlanda êşmäkärlärne Törkiyägä investiśiya kertergä çaqırdı.

İğlanda: “Barlıq çit il investorlarına möräcäğat itäbez, kilegez, bu demokratiya ciñüenä quşılığız. Törek xalqı yanında bulığız,” – dip äytelgän.

Törkiyädä 48 million keşeneñ internet häm 74 millionınıñ kesä telefonın qullanuı xäterlätelgän iğlanda Törkiyäneñ Awrupa, Aziya, Yaqın Könçığış häm Tönyaq Afrikanı bağlawçı küper buluı assızıqlanğan.

İğlanda törek êş dönyasınıñ regional’ iqtisad häm qalqınunıñ motorı buluına da basım yasalğan.