Bäysez däwlätlär Berlege cıyılışı uzğan
Yuğarı däräcäle oçraşu axırında Berlekkä äğza illär däwlät başlıqları 16 kileşügä qul quyğan
Bäysez däwlätlär Berlegenä äğza illär däwlät başlıqları Qırğızstan başqalası Bişkäktä Berlekneñ 25 yıllığı oçraşuına cıyıldı.
Yuğarı däräcäle oçraşuda Qırğızstan,Rusiya ,Qazaqstan, Tacikstan,Belarus, Ärmänstan liderları qatnaştı.
Cıyılış azağında 2017 nçe yılda Berlekneñ çirattağı räislegen Rusiyägä tapşıruğa Ukraina rizasızlıq beldergän.
Ukrainanıñ Bişkäktäge tulı wäqalätle ilçese Nikolay Doroşenko ”Rusiya xalıqara xoqur normaların bozdı. Qırımnı yawlap aldı. Ukraiananıñ könçığışında xärbi kiyerenkelekkä säbäp bula”dip citkergän.
Yuğarı däräcäle oçraşu axırında Berlekkä äğza illär däwlät başlıqları 16 kileşügä qul quyğan.
Cıyılışta Bäysez däwlätlär Berlegeneñ reforması, 2020 nçe yılda äğza illärdä ütkäreläçäk xalıq sanın isäpkä alu turındağı qararlar da raslanğan.
Bäysez däwlätlär Berlege 1991 nçe yılda Sovetlar Berlege tarqalğannan soñ Azärbaycan,Ärmänstan,Belarus,Qazaqstan,Qırğızstan,Moldova,Rusiya,Tacikstan,Törekmänstan,Üzbäkstan häm Ukraina tarafınnan qorıldı.
