AQŞta 11nçe sentyabr' iskä alına

 Amerika Quşma Ştatlarında iñ zur terror höcümennän berse bularaq tarixta qalğan 11nçe sentyabr’ könge höcümnärneñ 15 yıllığı Nyu York belän ber rättän yäkşämbe könne ilneñ şaqtıy urınında oyıştırılğan çaralarda iskä alınaçaq.

Äl Kaidä terror oyışması 2001nçe yılnıñ 11nçe sentyabr’ könne Nyu Yorktağı Dönya säwdä üzäge bulğan igezäk manaralar häm AQŞ Saqlanu ministrlığı Pentagonğa oyıştırğan höcümnärdä yaqtı dönyadan kitüçelär öçen cıyınnar uzdırılaçaq.

Cıyınnar öçen tığız iminlek çaraları kürelgän, cıyın höcümnärdä berençe oçqıç İgezäk manaralarğa kilep bärelgän säğattä başlanaçaq.

11nçe sentyabr’ könge höcümnärdä 4 oçqıç urlanğan, oçqıçlardan ikese İgezäk manaralarğa kilep bärelgän ide. Urlanğan qalğan oçqıç başqala Vaşingtonda Pentagonnı maqsat itep alğanda 4nçe oçqıç şsä F-16lar tarafınnan Pensilvaniya awıl cirlegendä bärep töşerelgän ide.

İgezäk manaralarda 2 meñ 606 keşe, Pentagonda 125 häm urlanğan oçqıçlarda isä 246 keşeneñ ğomere özelgäñ ide. Höcümnärdä 19 terrorçı belän barlığı ülüçelär sanı 2 meñ 996 bularaq açıqlanğan ide.

Tarixnıñ ağımın üzgärtkän 11nçe sentyabr’ könge höcümnärdän soñ êlekke däwlät başlığı Djordj Buş Äfğanstan häm Ğiraqqa kerü qararın qabul itkän, Aq Yortnıñ Yaqın könçığıştağı suğış tarafdarı säyäsäte zur reakśiyalär kiterep çığarğan ide.

Buşnıñ “Terrorçılıqqa qarşı köräş kampaniyase” qısalarında qorılğan AQŞ Milli İminlek oyışması NSA ildä qanunsız tıñlawlarnı başlatqanda “Śivilizaśiyalär bäreleşe”nä häm İslamofobiyağa nigez salğan 11nçe sentyabr’ könge höcümnär AQŞ belän ber rättän könbatış däwlätlärendä möselmannarğa qarşı başqarılğan näfrät cinayätlärendä artışqa säbäpçe buldı.