AQŞ häm Rusiya Süriyä mäs’äläsendä urtaq fikergä kilä almağan
Süriyädäge watandaşlar suğışı belän bäyle Kerri häm Lavrov ütkärgän söyläşüneñ näticäse bulmağan
![AQŞ häm Rusiya Süriyä mäs’äläsendä urtaq fikergä kilä almağan](http://cdn.trt.net.tr/images/xlarge/rectangle/3536/99b5/b83d/57cd1738b0bfd.jpg?time=1718879235)
Amerika Quşma Ştatları belän Rusiya arasında Süriyädäge watandaşlar suğışı belän bäyle ütkärelgän söyläşülärneñ näticäse bulmağan.
AQŞ däwlät departamentınnan yuğarı däräcäle räsmi zat Amerika Quşma Ştatları däwlät särqätibe Djon Kerri belän Rusiya Federaŝiyäse tışqı êşlär ministrı Sergey Lavrov oçraşuında ike ilneñ Süriyä mäs’äläsendä urtaq fikergä kilä almawların beldergän.
Amerika häm Rusiya diplomatları Süriyädä däwlät başlığı Bäşar Äsäd häm oppoziŝionerlar belän ike ut arasında qalğan millionnarça tınıç xalıqqa humanitar yärdäm ireşterüne täêmin itäçäk utnı tuqtatu imzalanuına aradaşçı bulırğa tırışa.
Amerika Quşma Ştatları ilbaşı Barak Obama belän Rusiya Federaŝiyäse däwlät başlığı Vladimir Putin G-20 sammitı öçen kilgän Qıtaynıñ Xançjou qalasında 5 nçe sentyabr’dä oçraştı.