Rusiyä - Pol'şa arasında kiyerenkelek
Rusiyä Federaśiyase belän Pol’şa arasında xärbi künegülär kiyerenkelege barlıqqa kilgän
Rusiyä Armiya berlekläre ilneñ könbatışında häm könyağında xärbi künegülär başlatqan.
Rusiyäneñ Saqlanu ministrı Sergey şoygu armiyaneñ krizis wazğiyätenä äzerlege häm xäräkät säläteneñ tikşerelüe öçen başlatılğan künegülärneñ 31nçe avgust könenä qadär baraçağın äytkän.
Kiñ qırlı xärbi künegülär Qara diñgez belän Çaçänstan häm Dağıstannıñ könyaq töbäklären üz eçenä ala.
2014tä yawlap alğan Qırım aşa Qara diñgezgä töşkän Rusiyä künegülärdä 2 meñnän artıq xärbi trasnport çarasın qullanaçaq.
Rusiyäneñ bu kinät kenä qabul itelgän qararı Pol’şanı da êşkä kereştergän.
Pol’şa Saqlanu ministrlığı ilneñ yuğarı däräcäle iminlek räsmi zatların ğadättän tış cıyılırğa çaqırğan.
Rusiyä Armiya berlekläreneñ Ukraina çigendä dä aktivlığı däwam itä.
Ukraina däwlät başlığı Petro Poroşenko artqan xärbi aktivlıqtan soñ Qırım çige häm ilneñ könçığış töbäklärendä armiyağa “suğışqa äzer bulığız” boyırığın birgän.
