Qıtay Süriyägä yärdäm itärme?

Qıtay “The Global Times” gazetı xäbärenä kürä Admiral Guan Youfei häm Süriyä saqlanu ministrı Fahad Jassim al-Fareij uzğan atnada küreşep, ike il arasında xezmättäşlek mömkinlekläre häm bağlarının nığıtıluı mäs’älälären qarağan.

Xäbärgä kürä taraflar xärbi berleklärgä belem birü mäs’äläsendä xezmättäşlekneñ üsterelüe häm humanitar yärdäm mäs’älälärendä dä urtaq fikergä kilgän.

Guan Youfei söyläşü belän bäyle yasağan açıqlawında: “Qıtay häm Süriyä armiyaseneñ tradiśion duslıq mönäsäbätläre bar. Qıtay armiyase xäzer Süriyä armiyasenä yärdäm itärgä häm xezmättäşlek başqarırğa teli,” – digän.