Süriyä törmäläre cähännämgä äylängän

Süriyä törmälärendä ğazap, qıynalu häm açlıq arqasında 18 meñ tiräse totqınnıñ ülüen açıqlağan Xalıqara yarlıqaw oyışması (Amnesty İnternational) dönyanıñ bu wazğiyätkä bitaraf qala almayacağın citkergän.

Xalıqara yarlıqaw oyışması Süriyädä Äsäd rejimınıñ törmälärdäge ğayepsez keşelärgä qarata qırıslıq qullanuın kürsätüçe xisap äzerlägän.

İntekterüdän isän qotılğan 65 êlekke totqınnıñ süzläre dä urın alğan xisapta törmälärdäge keşe xoquqın bozularnıñ dähşät birüçe däräcägä citüe belderelgän.

Xisapta 2011nçe yıldan bügengä qadär Süriyä törmälärendäge ğazaplaw, naçar möğamälä häm naçar şartlar arqasında 17 meñ 723 totqınnıñ yaqtı dönyadan kitüe citkerelgän.

Oyışma “sistematik häm cäyelgän qırıslıq qullanunıñ keşelekkä qarata başqarıluçı cinayät” buluın xäterlätkän.

Oyışmanıñ Germaniyadäge Süriyä belgeçe Rene Widnagel: “Dähşät birüçe şartlarnıñ, açlıq häm sistematik intekterü törmälärdäge totqınnarnıñ tormışın cähännämgä äyländerä häm çit il küzätüçeläre belän media äğzalärenä törmalärgä kerülärenä yıllar buyı röxsät birelmi,” – dip beldergän.