85 ärcälek dälil täqdim itelde

Törkiyä Fätullahçı terror oyışması/parallel’ däwlät qorılışı başlığı Fätullah Gülänneñ qaytarıluı öçen Amerika Quşma Ştatlarına 85 ärcälek dälil täqdim itte.

Amerikan “Washington Post” gazetı Ğadälät ministrlığınnan ber törkemneñ Änkaranıñ qaytaru taläbenä cawap birü öçen bu dokumentlarnı tikşerüne däwam itterüen yazğan.

Gazetka kürä dokumentlar Fätullahçı terror oyışması/parallel’ däwlät qorılışınıñ Törkiyädä xökem itü organnarı, poliśiya häm armiyağa niçek itep ütep kerüen kürsätä häm tüntäreleş kereşüe artındağı keşe bularaq Gülängä işarät itä.

Gazet ayıruça Fätullahçı terror oyışması/parallel’ däwlät qorılışınıñ Amerikan Kongressındağı lobi êşçänleklärenä dä urın birgän.

Gazetka kürä 2007nçe yıldan bügengä qadär Kongresstan Törkiyägä kilgän wäkilleklärdän 289ına, yägni yartısına oyışmağa bäyle qorılışlar sponsor bulğan.

Xäbärdä Fätullah Gülän boyırığı astındağı distälärçä qorılışnıñ säyäsi kampaniyalarğa un meñnärçä dollar külämendä aqça cibärüenä dä iğtibar cälep itelä.

Açqa küçerelgän säyäsätçelär arasında Cömhüriyätçe partiyaneñ aldınğı isemnärennän John Böhner häm Rick Perry belän ber rättän Demokratlarnıñ däwlät başlığı namzäte, senator Hillary Clintonnıñ da buluın yazğaz “Washington Post” gazetı Fätullah Gülängä bäyle törkemnätneñ üzlären “mänfäğat öçen bulmağan xäyriyä oyışması” bularaq tanıtularına qaramastan finansta bu räweşle terkälmäwlärenä dä basım yasıy.

Gazet Gülän belän bäyläneşle şaqtıy oyışma xaqında açılğan tikşerülärdän bersennän dä näticäneñ çıqmawına da iğtibar cälep itä.

Xäbärdä bu oyışmalarğa kürsätelgän aqçalata yärdämnär belän bäyle mäcbüri beldergelärdä aqça cibärüçelärneñ kübeseneñ isemeneñ bulmawın, oyışmalarnıñ niçek itep citäklänüe mäs’äläsendä ütä kürenmälekneñ bulmawın da assızıqlıy.