Tüntäreleş kereşüenä reakŝiyälär däwam itä
Törkiyädä 15 nçe iyül'däge tüntäreleş kereşüenä Bosniya Gerŝegovina başqalası Sarayevoda häm Franŝiya başqalası Parijda reakŝiya beldergännär
“Fätullahçı terror oyışması/parallel’ däwlät qorılışı”nıñ 15 nçe iyül'däge tüntäreleş kereşüenä dönya külämendä reakŝiyälär belderü däwam itä.
Bosniya Gerŝegovina başqalası Sarayevoda meñnärçä keşe “Bosniya – Gerŝegovina sineñ yanında” şiğare astında demokratiya cıyınında qatnaşqan.
Qatnaşuçılar Törkiyä xökümätenä häm ilbaşı Räcäp Tayyip Ärdoğanğa yaqlaw kürsätep, teläktäşlek beldergän.
”Fätullahçı terror oyışması”nıñ tüntäreleş kereşüenä reakŝiya beldergän qatnaşuçılar Balkandağı töreklärne oyışmanıñ mäktäpläre häm iqtisadi qorılışları tınıçsız itüen citkergän.
Franŝiya başqalası Parijda da törek ictimaği oyışmalar wäkilläre “Fätullahçı terror oyışması/parallel’ däwlät qorılışı”nıñ tüntäreleş kereşüen ğayeplägän.
Çarada möstäqil sänäğätçe häm êşmäkärlär cämğiyäteneñ Parij başlığı Hakan Kalaycı tüntäreleş kereşüen ğayepläwçe belderge uqığan.
Beldergedä tüntäreleş kereşüeneñ törek xalqınıñ qıyulığı näticäsendä çigenderelüenä, bu terror ğamäleneñ demokratiyägä , keşe xoquqlarına häm Törkiyä Cömhüriyäteneñ konstituŝion sistemasına qarşı başqarılğan tüntäreleş kereşüe buluına basım yasalğan.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
