"Törek ağımı" canlana

Rusiyä Federaśiyaseneñ Ênergetika ministrı Aleksandr Novak “Törek ağımı” tabiği gaz ütkärgeçe proyektı qısalarında Törkiyä belän söyläşülärneñ qabat başlawın beldergän.

Xäbär kanalı “Rossiya 24”kä açıqlaw yasağan Novak Törkiyäneñ turıdan liniya aşa Rusiyädän 15,7 milliard m3 tabiği gaz importlarğa teläwen citkergän.

Novak: “Törek ağımı” tabiği gaz ütkärgeçe proyektında ike liniyaneñ tözelüe öçen Törkiyä belän söyläşülär qabat başladı. İkençe liniya belän Awrupanıñ könyaq könçığış töbägenä tabiği qaznıñ qudırıluı planlana,” – digän.

“Gazprom” Törkiyägä satqan tabiği gazda monnan alda täêmin itelgän 10,25%lıq taşlamanı kileşüdä çağıldırmawı arqasında “Törek ağımı” proyektında alğarış bulmağan ide.

Törkiyä hawa kiñlegen bozğan Rusiyä xärbi oçqıçınıñ 24nçe noyabr könne bärep töşerelüennän soñ da ike il räsmi zatları proyekttağı söyläşülärneñ tuqtatıluı belän bäyle açıqlawlar yasağan ide.