N'yu Yorkta protest çarası
Protestçılar Vaşington citäkçelegen Fätullah Gülänne Törkiyägä qaytarırğa çaqırdı
Amerika Quşma Ştatlarınıñ N'yu York (New York - Нью-Йорк) şähärendä töreklär Vaşington citäkçelegen 15nçe iyul könge tüntäreleş kereşüen yasağan Fätullahçı terror oyışması/parallel’ däwlät qorılışı başlığı Fätullah Gülänneñ Törkiyägä qaytarırğa çaqırdı.
Nyu Yorktağı tanılğan 5nçe prospektta Gülän belän bäyleneşe bulğan ber oyışmanıñ üzäge yanında cıyılğan töreklär Törkiyä bayraqları belän inglizçä “Gülän AQŞqa yanaw”, “Gülän” Amerikanı säyäsi qalqan häm ışanıçlı urın itep qullana” häm “Gülän Törkiyädä iñ küp ezlänüçe terrorçı” dip yazılğan plakatlar kütärep, tüntäreleş kereşüen ğayepläde.
Protest çarasın oyıştırğan üzäge Nyu Djersidä urnaşqan Törek-Amerikan Mädäniyät cämğiyäte başlığı urınbasarı Yosıf Näcati Özär: “13-14 kön yoqlamıyça demokratiya näwbäten totuçılarnı xuplaw öçen bügen bu protest çarasın oyıştırırğa telädek,” – dide.
