Kim Jong-unğa çikläw qararı
Tönyaq Koreyalı 10 citäkçe häm 5 däwlät oyışması da qara isemlekkä kertelgän
Amerika Quşma Ştatları Tönyaq Koreya liderı “Kim Jong-un” xaqında çikläw qararın qabul itkän.
Tönyaq Koreyalı 10 yuğarı däräcäle citäkçe häm 5 däwlät oyışması da qara isemlekkä kertelgän.
AQŞnıñ Qazna ministrlığınnan yasalğan açıqlawğa kürä çikläw qararları Tönyaq Koreya rejimınıñ keşe xoquqların bozuları nigeznamäse belän alınğan.
Açıqlawda: “Tönyaq Koreya Kim Jong-unnıñ liderlığında töp ireklärneñ çiklänelüe belän ber rättän xoquqsız ülem cäzaları, säbäpsez qulğa alular häm saq astında totular, keşe urlaw, intekterü häm mäcbüri räweştä êşlätü kebek citdi keşe xoquqların bozular belän dönyanın iñ küp basım qullanuçı illärdän berse bulunı däwam itterä,” – dip äytelä.
Amerika Quşma Ştatları Tönayq Koreya liderı belän ber rättän Däwlät iminlege ministrı, Däwlät ministrlığı kiñäşçese häm Däwlät iminlege ministrlığı direktorına qarata da çikläw qullanaçaq.
Ayıruça Koreya Êşçe partiyase räsmi zatı bulğan 7 keşe dä AQŞnıñ qara isemlegenä kertelgän.
AQŞnıñ Qazna ministrlığı Tönayq Koreya xökümäteneñ qanunsız qorallanu häm atom-töş kereşülären xuplawçı 14 şäxes häm 8 oyışmağa qarata da uzğan aylarda çikläw qararın qabul itkän ide.
Bu keşelär arasında Tönyaq Koreyanıñ Myanma häm Misırdağı ilçeläre dä bar.
