Terror höcümenä reakśiyalär kilä

İstanbuldağı terror höcümenä säyäsät häm êş dönyasınnan alıp sänğatçelärgä qadär reaktsiya belderelä.

Germaniya Kantslerı Angela Merkel Atatörek hawa mäydanın maqsat itep alğan terror höcümen ğayeplägän.

Merkel: “Barlıq törek xalqına terrorçılıq belän köräştä berlek buluıbıznı häm ber-berebezne xuplayaçağıbıznı äytergä telim,” – digän.

Franśiya däwlät başlığı Fransua Oland ta: “Bu wäxşi höcümne qırıs räweştä ğayeplim. Törkiyädä ber-ber artlı oyıştırılğan höcümnärdän borçu toyabız,” – digän.

Franśiya premyer-ministrı Manuel Valls isä ilenen terrorçılıqqa qarşı töreklär yanında buluın assızıqlağan.

İtaliya premyer-ministrı Matteo Renzi dä yasağan açıqlawında: “İstanbuldan kilgän tragedik xäbärlärdän soñ törek xalqınıñ qayğısın urtaqlaşabız. Här urında terrorğa qarşı bez,” – digän.

Soğud Ğaräbstanı patşası Sälman bin Abdülaziz Törkiyä ilbaşı Ärdoğanğa qayğı belän urtaqlaşu yullamasın cibärgän.

İrannın tışqı eşlär ministrı Möxämmäd Cawat Zarif isä sotsial’ media xisabında: “Terror çirqanıç yözen tağın ber tapqır kürsätte. Qırıslıq dönyağa yanawçı çiktän tış ğamälder. Bergäläşep anıñ belän köräş itü zarur,” – digän.

Amerika Quşma Ştatlarınnan da höcümne ğayepläwçe yuğarı däräcäle belderülär kilä.

Aq Yort höcümne ğayeplägän, däwlät başlığı Obamanıñ da täraqqıyätlärdän xäbärdar itelüe açıqlanğan.

Amerikan Wäkillär Palatası başlığı Paul Ryan yasağan yullamasında: “Terrorçılıq berqayçan da ciñmäyäçäk. Bu xain höcüm qarşısında berlektäşebez Törkiyä yanında bez,” – digän.

Amerikan kompyuter şirkäte Applenıñ yuğarı däräcäle citäkçese Tim Cook höcüm belän bäyle bularaq sotsial’ media xisabında törekçä yasağan yullamasında: “Doğalarıbız törek xalqı öçen,” – digän.

İspaniyale cırçı Enrique Iglesias ta sotsial’ media xisabında yasağan açıqlawında: “Küñelem sineñ belän İstanbul,” – dip yazğan.

Atatörek hawa mäydanındağı terror höcüme dönya matbuğatında da kin urın alğan.