Kiprda urman yanğını
Yanğın Trodos tawları tirä-yağında 3 kön buyı däwam itä
516046
Kipr Grek citäkçelege Trodos tawları tirä-yağında 3 kön buyı däwam itüçe yanğın belän köräşä.
Yanğınnı sünderü öçen Törkiyäneñ ike yanğın sünderü boralağı häm ber oçqıç cibärä alacağı xaqındağı yullama Tönyaq Kipr Törek Cömhüriyäte däwlät başlığı Mostafa Akıncı tarafınnan Grek citäkçelegenä citkerelgän ide.
Grek citäkçelege Törkiyäneñ bu täqdimenä uñay cawap qaytarğan.
Grek liderı Nikos Anastasiadis Akıncıya täqdimne qabul itülären citkerep, räxmäten beldergän.
Greklar monnan alda Tönyaq Kipr Törek Cömhüriyäteneñ yärdäm täqdimen kire qaqqan ide.
Xäzerge waqıtta İzrail, Gretsiya, Angliya, Frantsiya häm İtaliyadan töbäkkä kitkän boralaqlar häm oçqıçlar yanğınnı kontrol astına alırğa tırışa.
