“Rusiyäneñ ğämälläre borçılu tudıra”

Amerika Quşma Ştatlarınıñ Pentagon Saqlanu ministrlığı Rusiyä xärbi oçqıçlarınıñ Süriyäneñ könyağında al-Tanfqa yaqın ber töbäktä AQŞ yaqlawçı oppozitsionerlar belän bergä “DEAŞ”qa qarşı köçlärne bombalawın beldergän.

İsemeneñ äytelüen telämäwçe Pentagonnıñ yuğarı däräcäle räsmiye, Rusiyä oçqıçlarınıñ Süriyäneñ könyağında ozaq waqıttan birle aktiv bulmawlarına basım yasap, höcüm oyıştırılğan töbäktä nindi dä bulsa ber Süriyä häm Rusiyä ğäskäriyeneñ bulmawın assızıqladı.

Räsmi zat: “Rusiyäneñ soñğı çordağı ğämälläre alarnıñ niyätläre xaqında citdi borçılular tuıdıra. Rusiyädän bu höcümne ni öçen yasawın açıqlawın häm monıñ qabat yäşänmäwneñ ışanıçın sorayaçaqbız”, - dip belderde.

Şul uq waqıtta Süriyä ğäskärenä bäyle boralaqlarnıñ Haläptä citäkçelekkä qarşı buluçılarnıñ kontrolendäge mäxällälärgä miçkä bombası belän oyıştırğan höcümnärdä bala-çağa häm xatın-qızlar belän bergä tınıç xalıqtan 15 keşe häläq bulğan, unnarça keşe dä yaralanğan.