Qıtay urazağa qarşı

Qıtay Kommunist partiyase uzğan yıllarda bulğanı kebek bıyıl da möselmannarnıň Ramazan ayında uraza totuına qomaçawlarğa tırışa.

Qıtay citӓkçelegenӓ bӓyle internet sӓxifӓlӓre uyğırları yӓşӓgӓn Şincan uyğır üzidarӓle töbӓgendӓ dӓwlӓt xezmӓtkӓrlӓre, uquçı yӓşlӓr hӓm balalarnıň uraza totuınıň tıyıluın citkergӓn.

10 millionnan artıq möselman uyğır yӓşӓgӓn töbӓktӓ qayber aşxanӓlӓrgӓ açıq qalırğa ӓmer birelgӓn.

Şincan uyğır üzidarӓle töbӓgendӓ urnaşqan Korla şӓhӓreneň internet sӓxifӓsendӓ urın alğan beldergedӓ: “Partiya ӓğzalӓre, kadrlar, dӓwlӓt xezmӓtkӓrlӓre, uquçı yӓşlӓr hӓm balalar Ramazan ayında uraza totmasqa hӓm dini cıyınnarda qatnaşmasqa tiyeş. Aşaw eçü satuçı kibetlӓr yabılımıy,” – dip ӓytelӓ.

Tiekeqi şӓhӓre rӓsmiz atlarınnan Ӓxmӓtcan Tohti partiya ӓğzalӓre, kadrlar, xӓrbi bulmağan dӓwlӓt xezmӓtkӓrlӓre, uquçı yӓşlӓr hӓm balalarnıň Ramazanda mӓçetlӓrgӓ dӓ kermӓw zarurlığın açıqlağan.

Çiklӓwlӓrne tӓnqitlӓgӓn sörgendӓge Bötendönya uyğır kongressı süzçese Dilşat Raşit: “Qıtay uyğırlar ışanuınıň Pekin liderlığına yanawın uylıy,”  - digӓn.

Qıtay belӓn citӓklӓwçe hӓm rӓsmi bularaq ateist bulğan Kommunist partiya ildӓ yӓşӓwçelӓrneň ışanu ireklegeneň buluın citkersӓ dӓ, dini cӓmğiyӓtlӓrne kontrole astında totarğa tırışa.

Uyğır aktivistlar bu wazğiyӓtneň töbӓktӓge etnik kiyerenkelekne arttıruın, monıň da soňğı yıllarda meňnӓrçӓ keşeneň ğomeren özüen belderӓ.

Qıtay isӓ Şincandağı bӓreleşlӓrdӓn “dini çiktӓn tış ğamӓllӓr” hӓm “terror yanawı”n cawaplı tota.