"Üz xalqıñnı kimsetmä"

Rusiyädä törmädä yatqannan soñ ilenä qaytqan Ukrainalı oçuçı häm xalıq ışanıçlısı Nadejda Savçenko Ukrainalılar telägän oçraqta däwlät başlığı bula alacağın äytkän.

Savçenko Ukraina Palasta oyıştırğan matbuğat oçraşuında jurnalistlarnıñ sorawlarına cawap birgän.

Oçuçı hönären yaratuın assızıqlağan Savçenko Ukraina öçen faydalı bulğan härnärsäne başqaraçağın häm ilen saqlarğa däwam itteräçägen beldergän.

Savçenko: “Ägär dä irtägä suğış başlansa, berençe saflarda urın alaçaqmın. Ägär dä monda Kiyevda kiräkle ikänmen, barlıq köçemne quyaçaqmın. Min yäşägändä Ukraina öçen närsä başqara alsam, şunı çınğa aşıraçaqmın,” – digän.

Ukraina däwlät başlığı bulırğa teläp telämäwe belän bäyle sorawğa Savçenko tübändäge cawapnı qaytarğan: “Ukrian xalqına soriq. Ukrainalılar, ilbaşı buluım sezneñ öçen kiräkle bulsa, ilbaşı bulırmın,” – digän.

Läkin Ukraina xalqınıñ ğadi ğına saylaw yasamayaçağına ışanuın beldergän Savçenko oçunı yaratqanı öçen däwlät başlığı bulırğa teläwen äytä almawın citkergän.

31nçe may könennän başlap Ukraina Parlamentındağı eşçänleklärdä qatnaşaçağın açıqlağan Savçenko parlament mömbärendä urın alğan “Savçenkoğa irek” plakatın alıp, urınına Rusiyädä totıluçı qalğan säyäsilärne xäterlätüçe plakat eläçägen beldergän.

Savçenko parlamentta küpçelek xärbi mäs’älälärdä eşçänlek alıp baraçağın açıqlağan.

Rusiyä däwlät başlığı Vladimir Putinğa närsä äytergä teläwe sorawına Savçenko: “Putinğa şunı äytergä telim. Ukrainanı tınıç qaldır. Üz qulıñda totqan illärne dä tınıçlıqta qaldır. Üz keşeläreñne tübänsetmä, ruslarnı mısqıllama,” – digän.