Ukrainada qorallı höcüm

Ukrainanıñ könçığışındağı ber kontrol urının maqsat itep alğan raketa höcümendä aralarında awırlı xatın-qız da bulğan 4 ğayepsez keşeneñ ğomere özelgän.

Töbäktäge tranpsort çaraları da zıyan kürgän.

Rusiyä tarafdarı bulğan separatist köçlär çärşämbe könne barlıqqa kilgän höcümne Ukraina armiyaseneñ oyıştıruın däğwa itkän.

Kiyev citäkçelege separatistlar kontrolendäge Olenivka şähärçege yanındağı waqiğa belän bäyle ğayepläwne kire qağa.

Separatistlarnıñ xärbi süzçese isä höcümnän alda töbäktä Ukrainağa bäyle ber keşesez hawa transport çarası kürülären äytkän.

Ğayepsez keşelärneñ añlı räweştä maqsat itep alınuın beldergän süzçe ämer birüçelärne dä qırıs räweştä tänqitlägän.

Ukrainanıñ könçığışında yänä Rusiyä tarafdarları kontrolendäge başqa urında ike transport çarasınıñ şartlatıluı näticäsendä 4 keşe yaqtı dönyadan kitkän.

Soñğı könnärdä artqan oxşaş waqiğalar Ukraina belän separatistlar arasındağı daimi bulmağan utnı tuqtatunıñ bozıla alınacağı borçuın tudıra.