Şvetsiya şäxsi mäktäbendä yanğın

Şvetsiyaneñ könyağında urnaşqan Malmö şähärendä möselman balalar belem alğan şäxsi mäktäptä yanğın çıqqan.

Şvetsiya däwlät televideniyesı SVTnıñ xäbärenä kürä Malmöneñ Jegersroomradet mäxälläsendä möselman balalar belem alğan şäxsi mäktäptä şimbä tönlä barlıqqa kilgän şartlawdan soñ çıqqan yanğın arqasında mäktäp qullanılmas xälgä kilgän.

Yanğınnıñ küp sandağı yanğın sünderü törkeme yärdämendä irtängä taba sünderelüe, berkemneñ dä zıyan kürmäwe belderelgän. Politsiyaneñ ut törtüdän şöbhälänüe açıqlanğan.

Skane iminlek mödirlege süzçese Jimmy Midin şartlawdan soñ waqiğa urınınnan tizlek belän yıraqlaşırğa tırışqan ber transport çarasın politsiyaneñ tuqtatırğa tırışuın, utnıñ açıluına qaramastan maşinanıñ tuqtatıla alınmawın äytkän.