Sergey Lavrov Azӓrbaycanda

Rusiyӓneň tışqı eşlӓr ministrı Sergey Lavrov İran hӓm Azӓrbaycan tışqı eşlӓr ministrları qatnaşında oyıştırılaçaq öç yaqlı cıyılışta qatnaşır öçen barğan Azӓrbaycanda dӓwlӓt başlığı İlham Aliyev tarafınnan qabul itelgӓn.

Aliyev qabul itüdӓ yasağan çığışında öç yaqlı ministrlar cıyılışınıň berençeseneň Baqıda oyıştırıluınnan toyğan qanӓğatlelekne citkerep, öç il arasında bik citdi regional' xezmӓttӓşlek barışınıň başlanuına işarӓt itkӓn.

Azӓrbaycannıň Rusiyӓ hӓm İran belӓn çige bulğan berdӓnber il buluın ӓytkӓn Aliyev öç il arasındağı xezmӓttӓşlekneň küp yaqlı rӓweştӓ tirӓnӓytelüe zarurlığın beldergӓn.

Ӓrmӓnstan-Azӓrbaycan front sızığındağı bӓreleşlӓrgӓ hӓm soňınnan tӓ'min itelgӓn utnı tuqtatu kileşüenӓ tuqtalğan Aliyev: “Utnı tuqtatu ütӓlӓ ide, lӓkin qızğanıç Ӓrmӓnstan bügen kiç utnı tuqtatunı bozdı. Söylӓşü barışının dӓwam itterelüe öçen tırışlıq quyabız. Azӓrbaycan söylӓşü barışına tuğrı qala,” – digӓn.

Lavrov ta hӓr öç ilneň transport koridorları, iqtisadi mönӓsӓbӓtlӓrneň üsterelüe hӓm energetika ölkӓsendӓ ike yaqlı eşçӓnlek cӓhatennӓn urtaq geostrategik hӓm geopolitik mӓnfӓğatlӓreneň buluın belderep, pӓnceşӓmbe könne İranlı hӓm Azӓrbaycanlı xezmӓttӓşlӓre belӓn transport hӓm energetika proyektlarınıň çınğa aşırıluına mömkinlek tudıraçaq sӓyӓsi qısa barlıqqa kiterӓçӓklӓren açıqlağan.

Ӓrmӓnstan-Azӓrbaycan front sızığındağı kiyerenkelekneň azaytıluı zarurlığın assızıqlağan Lavrov: “Soňğı waqiğalarnıň bezne sӓyӓsi çişeleş öçen eşçӓnlekkӓ etӓrӓçӓgen ömet itӓm. Bezneň tӓqdimnӓrebez bar. Awrupa İminlek hӓm Xezmӓttӓşlek Oyışması (AGİT) Minsk törkeme rӓistӓşlӓreneň kereşülӓren xuplıybız. AGİTnıň ğına tügel, Xalıqara Qızılhaç oyışmasınıň da yӓrdӓme belӓn qısqa waqıtta sӓyӓsi barışnıň qabat tӓ'min itelüe öçen kirӓkle şartlarnıň barlıqqa kiterelüe zarur,” – digӓn.