Awrupağa 400 terrorçı

“DAEŞ” terror oyışmasınıñ kim digändä 400 äğzasenä belem birep, terror ğamällären oyıştıru öçen Awrupa illärenä cibärüe belderelgän.

Associated Press Awrupa häm Ğiraqlı küzläw räsmi zatlarına tayandırıp citkergän xäbärendä oyışmanıñ bu äğzalärgä wazifaların cirenä citkerer öçen yaraqlı waqıt, urın häm ısulnı saylawğa ämer birüen assızıqlağan.

Frantsuz senator häm terror çeltärlären tikşerü komissiyase räistäşe Nathalie Goulet ta yaqınça 5 meñ Awrupalınıñ Süriyägä baruın belderep, 400-600 terrorçınıñ Awrupa illärendä terror ğamälläre oyıştıru öçen maxsus belem alıp, kire cibärelüen äytkän.

Goulet: “2014tä oyışma äğzalärenä berniçä atnalıq belem birä ide. Xäzer strategiyase üzgärde. Maxsus berämleklär qora. Bu berämleklärneñ belem tağın da ozın waqıt ala. Maqsatları – kübräk keşe üterü, kübräk höcüm oyıştıru,” – digän.

Awrupa Politsiya oyışması da ğinwar ayında açıqlağan xisabında “DAEŞ” terror oyışmasınıñ güya çit illärdä ğamäl citäkçelege qoruın häm törle illärdä ğamäl başqaraçaqlar öçen suğış strategiyaläre, şartlatqıç, küzläw texnikaları başçalarında maxsus belem birüen citkergän ide.

“DAEŞ” terror oyışmasınıñ terrorçıların Awrupa illärenä separatist PKK terror oyışması küreneşendä cibärep, ğamällär oyıştırunı planlawı citkerelä.

İminlek çığanaqları PKK terror oyışmasınıñ Awrupa illärendä tınıç eş başqaruı häm citdi xuplaw kürüenä qarap, “DAEŞ” terror oyışmasına bäyle şaqtıy törkemnärneñ başta PKKğa qaçıp, soñınnan bu oyışma isemennän törle Awrupa illärenä kerüen belderä.