Terrorçılıq Awrupanıñ yörägen qadadı

Belgiya başqalası Bryusselda sişämbe könne distälärçä ğayepsez keşeneñ ğomere özelgän, küplär yaralanğan.

Ber ilneñ, ber geografiya öleşeneñ, xätta bar dönyanıñ yöräge ärnede.

Terrorçılıq sişämbe könne Änkarada, İstanbulda, Parijda, Bryusselda, Qabulda, Tripolida ide.

Qoyılğan qan Belgiya keşeseneke, frantsuznıqı, törekneke, ğaräpneke, afrikalınıqı ide.

Ber, un yäisä 100 tügel, ä bar keşelek xain, pıçraq, çirqanıç ğamällärneñ qorbanına äylände.

Distlärçä yıllar buyı separatist PKK terror oyışmasına ğaskäri häm politsiya xezmätkärlären şähit birgän, ğayepsez keşelären yuğaltqan Änkara, İstanbul, Ädirnä, Ağrı, qısqası Törkiyä Belgiyaneñ qayğısın yörägendä xis itte.

Törkiyä “xain suğış belän oçraştıq,” – digän Awruaplı liderlarmnıñ tawışın işette.

Läkin Törkiyä monnan soñ bu naçarlıqlarnıñ ber-bersennän ayırılıp tormawınıñ da kürelüen teli.

Sişämbe könne xain PKK terror oyışmasına Awrupanıñ üzägendä çatır qordırıp, propaganda çınğa aşırtuçılarnıñ Törkiyä kiçergän xislärneñ “DAEŞ” terror oyışmasına qarata xis itelgännärneñ ber ük buluın añlawın teli.

Törkiyä ilbaşı Räcäp Tayyip Ärdoğan comğa könne Bryusseldağı çatır waqiğasına reaktsiya belderep: “Şul uq bombalar sez yäşägän şähärlärdä şartlıy başlağaç qına bezneñ kiçergännärebezne añlarsız,” – digän ide.

Yalğışqan bulsa ide.