UNICEFnıñ süriyäle balalar xisabı
Xisapta Süriyädä 5 yıllıq watandaşlar suğışı däwerendä balalarnıñ draması çağıldırıla
Süriyädä watandaşlar suğışı başlanğannan birle 3 million 700 meñ bala dönyağa kilgän.
Bolardan 306 meñe ğailäläre sıyınuçı bulıp kilgän illärdä tuğan.
Berläşkän Millätlär Oyışmasınıñ balalarğa yärdäm itü fondı UNICEF Süriyädä 5 yıllıq watandaşlar suğışı däwerendä balalarnıñ draması xaqında xisap äzerlägän.
Xisapta üterelgän, suğışırğa mäcbür itelgän häm keşe xoquqları bozıluğa duçar bulğan kim digändä 1500 bala dokumentlar belän terkälgän.
Snayperlar tarafınnan yäisä mäktäpläre bombalanğanda kim digändä 150 balanıñ hälaq buluın belderüçe xisap qorallı törkemnär tarafınnan suğışırğa mäcbür itelgän balalar sanınıñ da artuın kürsätä.
Xisapta il eçendä 2 million 100 meñ, çiktäş illärdä 700 meñ balanıñ belem aludan mäxrüm qaluı citkerelä.
Bu däwerdä yaqınça 7 million bala fäqirlektä kön kürergä mäcbür buldı.
15 meñnän kübräk balanıñ yanında bernindi tuğanı bulmağan kileş çit ilgä kitüe belderelgän xisapta Süriyädä uzğan yıl suğışırğa mäcbür itelgän balalarnıñ yartısınnan kübrägeneñ 15 yäştän keçeräk buluı assızıqlana.
