Hindıstanda "yalanğaç" imtihan

Hindıstanda armiyağa xezmätkär alu imtixanında küçerügä kirtä quyar öçen namzätlär imtixanğa eçke kiyem belän kerergä mäcbür qalğan.

Meñ 159 namzät yäkşämbe könne 1 säğat barğan imtixanğa eçke kiyem belän kergän.

Hindıstan matbuğatına çağılğan fotoräsemnärdä Bihar vilayätendäge Muzafferpur şähärendä açıq alanda ayaqların çalıştırıp utırğan yözlärçä yeget bar.

Armiya räsmi zatları namzätlärne kontrol itkändä waqıtnı ekonomiya maqsatı belän bu ısulnıñ saylanıluın açıqlağan.

Şul uq vilayättä uzğan yılnı ğailälärneñ mäktäp diwarlarına menep, balalarına küçermä birüläre kürelgännän soñ idarä awır xäldä qalğan ide.

Ğinwar ayında vilayät idaräse imtixanda küçerügä aqçalata häm törmä cäzasınıñ birelüen küzdä totuçı tärtipkä salularnı ğamälgä kertkän.